Shkurt.ch
Fermeret zvicerane kërkojnë sigurim social
Në Zvicër, më shumë se 31 mijë fermere marrin pak ose fare sigurim social, shkruan swissinfo.ch. Shoqata e tyre profesionale, së bashku me Swissaid, po bëjnë thirrje për mbrojtje më të mirë sociale në politikat federale bujqësore, përcjell albinfo.ch.
“Përderisa e gjithë Zvicra aktualisht po mendon për situatën e grave, një grup i grave – fermeret – po harrohen”, kanë thënë në një deklaratë Shoqata Zvicerane e Grave Fermere dhe Rurale si dhe Swissaid, Fondacioni Zviceran për Bashkëpunim dhe Zhvillim.
Po ashtu, organizatat sqaruan se si ndërlidhen çështjet e sigurimit social, përfaqësimit politik dhe përmirësimit të gjendjes ligjore të fermereve në Zvicër dhe mbarë botën.
“Fermeret janë përgjegjëse për 70 për qind të ushqimit në botë. Njohja e pamjaftueshme e sigurimit social është një turp, i cili duhet të korrigjohet në Zvicër dhe në mbarë botën”, kanë thënë më tej.
Ndërkaq, fermeret punojnë 63 orë në javë, sipas statistikave të qeverisë.
“Megjithatë, vetëm 30% e tyre marrin sigurim social dhe paguhen për punën e tyre”, tha Anne Challendes, kryetare e shoqatës së fermereve.
Gjatë së mërkurës, të dy organizatat filluan apelin e tyre jashtë parlamentit në Bernë, duke shpërndarë kartolina dhe molla. Ata synojnë të mbledhin sa më shumë nënshkrime gjatë katër muajve të ardhshëm dhe pastaj t’i dorëzojnë ato në Ministrinë e Punëve të Brendshme dhe atë të Punëve të Jashtme.
Të ngjashme
Të tjera nga Shkurt.ch
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit