Festë e paligjshme: Pesë arrestime në St. Gallen

Pesë persona të moshës 16 deri 24 vjeç janë arrestuar gjatë një feste ilegale, e cila degjeneroi gjatë natës së shtunë në qytetin St.Gallen. Ata ishin denoncuar për trazira, dhunë dhe kërcënime ndaj zyrtarëve si dhe për shkelje të Ligjit për narkotik.

Autoritetet janë duke shqyrtuar videot e mbrëmjes. Sigurisht se disa persona të tjerë do të dënohen, ka bërë të ditur Policia e qytetit St. Gallen.

Rreth 500 veta patën marrë pjesë në këtë festë të paligjshme. Policia ndërhyri kur festuesit kishin çrregulluar qarkullimin dhe transportin publik, filluan duke thyer shumëçka përreth. Ndërsa trazirat kishin shpërthyer edhe në mesin e pjesëmarrësve.

Policia u ballafaqua me rrahje, me hedhje të shisheve dhe gurëve. Policia ka përdorur gaz lotsjellës dhe plumba gome për të shpërndarë pjesëmarrësit.