Lajme

Festivali i Filmit Kino Kosova, 20-24 shtator 2023, Bernë

E premte, 1 Shtator 2023 - 10:15 albinfo.ch

Festivali i Filmit Kino Kosova ka kënaqësinë t’ju njoftojë për rikthimin e tij të shumëpritur për të katërtin vit radhazi, për të shfaqur filmat më të mirë nga Kosova dhe diaspora. Festivali i këtij viti premton të jetë një festë e përsosmërisë kinematografike, duke shfaqur një program të ngazëllyer me filma.

Nga 20 shtatori adhuruesit e filmit do të mblidhen në Bernë për të shijuar një përzgjedhje të larmishme të filmave, duke përfshirë filma të shkurtër, dokumentarë dhe filma artistikë nga kineastët e njohur dhe talentet në zhvillim. Festivali i sivjetshëm do të shfaqë mbi 25 filma nga Kosova dhe diaspora si dhe nga Greqia, si vend mysafir në bashkëpunim me Festivalin e Selanikut, duke i dhënë audiencës mundësinë për të përjetuar artin e kinemasë në gjithë diversitetin dhe pasurinë e tij.

Përveç shfaqjeve, festivali do të ofrojë një ekspozitë artistike të artistit të njohur nga Prishtina, Jakup Ferri, panel diskutime, koncert me Edona Vatocin nga Prishtina dhe dj set.

Pjesëmarrësit gjithashtu mund të presin me padurim seanca me pyetje dhe përgjigje me filmbërës të suksesshëm dhe aktore të talentuara, si dhe ngjarje të tjera dhe festa ekskluzive.

Lista e pjesëmarrësve:

Donjeta Mejtani	Regjisore
Lum Citaku	Regjisor
Irena Aliu	Aktore
Flaka Kokolli	Animatore
Ilir Hasanaj	Regjisor
Dea Gjinovci	Regjisore/ Moderatore për diskutimet në panel
Flonja Kodheli	Regjisore
Ilire Vinca	Aktore
Fisnik Maxville	Regjisor
Elena Avdija	Regjisore
Mona RIzaj	Regjisore
Dorentina Imeri	Regjisore
Aulone Selmani	Regjisore

Jakup Ferri	Artist pamor

Edona Vatoci	Kantautore
Viola Rrecaj	E-piano
Tomor Kuçi	Kitarë/ Bas
Vedat Hasani	Baterist

Leart Rama	Artist i zërit/ Regjisor

Vendi mysafir
Myrto Patsalidou	Regjisore
Georgis Grigorakis	Regjisor
Dimitris Kanellopoulos		Regjisor