Lajme
Filloi vaksinimi në Bazel: 4900 terminet e para janë rezervuar paraprakisht
Meqenëse kërkesat për vaksinim aktualisht janë shumëfish më të mëdha se furnizimi me vaksina, kohët e pritjes janë të pashmangshme
Sot në Bazel, në pikën e posahapur, me praninë e ministrit Berset, në qendrën e panaireve, kanë filluar vaksinimet kundër koronavirusit. Bëhet fjalë për qendrën e parë të madhe në Zvicër për vaksinim, pasi që javën e kaluar në mënyrë sporadike, vaksinimi kishte nisur në kantonet e Zvicrës qendrore.
Personi i parë që u vaksinua ishte banorja e Bazelit, Beatrice Lewy, 80 vjeçe.
Drejtori shëndetësor i Bazelit, Lukas Engelberger me këtë rast ka thënë se sheh një gatishmëri të lartë për të vaksinuar në popullatë, shkruan srf.ch.
Si në gjithë vendin, vaksinat e para që jepen, janë ato të bashkëprodhimit gjermano-amerikan Biontech dhe Pfizer, transmeton albinfo.ch.
4900 terminet e para për vaksinim janë rezervuar plotësisht, është shprehur më tutje Engelberger.
Vaksinimi sot ka filluar edhe në Kantonin e Gjenevës ndërsa në Baselland dhe Aargau duhet të fillojnë në 4 Janar.
Ministri në Qeverinë e Bazelit, Lukas Engelberger, ka përshkruar fillimin e fushatës së vaksinimit si një “moment historik të rëndësishëm në luftën kundër koronavirusit”.
Vaksinimi do të ndihmojë në kapërcimin e pandemisë. Engelberger ishte gjithashtu i kënaqur që terminet e para janë rezervuan shpejt dhe ai këtë e sheh këtë si një shprehje të vullnetit të madh për tu vaksinuar.
Meqenëse kërkesat për vaksinim aktualisht janë shumëfish më të mëdha se furnizimi me vaksina, kohët e pritjes janë të pashmangshme, përcjell albinfo.ch. 1900 njerëzit e parë të regjistruar në kanton do të vaksinohen deri më 30 dhjetor.
Në dy javët e para të janarit do të vaksinohen edhe 3.000 banorë të tjerë të Bazelit.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Pse njerëzit në Austri po paguajnë më shumë taksa pavarësisht reformave federale? Punëtorët në Austri janë ende ndër ata me barrën tatimore më të lartë në botë, me...
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE