Fillon sezoni pranveror i Superligës zvicerane

Pas 18 javësh, Baseli kryeson Superligën zvicerane me 47 pikë, apo 12 më shumë se vendi i dytë që mbahet nga Young Boys, dhe mbetet favoriti kryesor që të fitojë edhe këtë vit titullin e kampionit

KEYSTONE

Me ndeshjen ndërmjet Grasshoppers-Thun nis sezoni pranveror në Superligën e Zvicrës. Ky takim zhvillohet sot nga ora 17:45 dhe është i pari për këtë sezon, shkruan albinfo.ch.

Ndërkaq në mbrëmje zhvillohet përballja në mes Baselit dhe Luganos, që do të sjell edhe duelit ndërmjet futbollistëve shqiptarë. Taulant Xhaka në njërën anë, kurse Armando Sadiku në anën tjetër, kurse tri takimet tjera zhvillohen të dielën.

Pas 18 javësh, Baseli kryeson Superligën zvicerane me 47 pikë, apo 12 më shumë se vendi i dytë që mbahet nga Young Boys, dhe mbetet favoriti kryesor që të fitojë edhe këtë vit titullin e kampionit.

Baseli nga 18 ndeshje, ka 15 fitore, dy barazime dhe vetëm një humbje, duke dëshmuar dominimin në këtë ligë.