Fillon zyrtarisht “Lufta e tarifave”

Kjo është një ngjarje që pritet të ketë ndikim të gjerë në Amerikë dhe në Botë, ndaj edhe Trump do të flasë përpara kombit më 2 prill, në një fjalim të drejtpërdrejtë nga Shtëpia e Bardhë

Pas javësh premtimesh dhe presionesh të vazhdueshme, ka ardhur dita kur lahen hesapet: 2 prilli!

Një datë e paralajmëruar shpesh nga presidenti Donald Trump si momenti vendimtar për ekonominë amerikane dhe ndërkombëtare.

E mërkura është dita kur tarifat reciproke të Shteteve të Bashkuara për mallrat e importuara nga pjesa tjetër e botës hyjnë në fuqi – një masë që do të ndikojë drejtpërdrejt në marrëdhëniet tregtare dhe në ekonominë globale, shkruan TCH, transmeton albinfo.ch.

Tarifat e SHBA-së prekin një gamë të gjerë mallrash, duke përfshirë ato nga Kanadaja dhe Meksika, të cilat do të shtyhen për një muaj. Pjesa tjetër e vendeve do të përballet me një mori çmimesh më të larta.

Ndërsa më 3 prill do të hyjnë në fuqi tarifat 25% për makinat dhe komponentët e prodhuar jashtë vendit – një tjetër hap në realizimin e politikave të Trump për të rivendosur dominimin amerikan në sektorin e prodhimit.

Kjo është një ngjarje që pritet të ketë ndikim të gjerë në Amerikë dhe në botë, ndaj edhe Trump do të flasë përpara kombit më 2 prill, në një fjalim të drejtpërdrejtë nga Shtëpia e Bardhë.

Megjithatë, mbetet e paqartë se si do të reagojnë partnerët tregtarë dhe cilat mund të jenë pasojat për tregtinë globale.

---