Futbolli Shqiptar në Zvicër

Fitues i turnirit më të madh të diasporës shqiptare në futsal: Vt24.ch/ AS Carosserie

Klubi Futbollistik Dardania St. Gallen ka organizuar sivjet për të gjashtën herë më radhë turnirin më të madh të futsalit në Zvicër ku ka pasur një interesim të jashtëzakonshëm të ekipeve pjesëmarrëse dhe futbolldashësve.

Në këte garë kanë marrë pjesë 64 ekipe, kryesisht shqiptare me rreth 600 pjesëmarrës nga mbarë Zvicra, gjithashtu ka pasur ekipe të ardhura edhe nga vendet fqinje të Zvicrës. Ndërsa skuadra më e largët shqiptare ka ardhur nga Londra dhe ka garuar nën emrin “Vetvendosje Londër”.  Gara për “Eny Cup” është zhvilluar në palestrën e njohur të sportit në St. Gallen, „Kreuzbleiche“, shkruan albinfo.ch

Skuadrat garuese kanë zhvilluar gjatë tërë ditës së shtunë dhe të dielën deri në orët e vona rreth 128 ndeshje me ritëm të lartë të lojës para një numri të lartë të shikuesve. Shpërblimet për vendin e parë, të dytë dhe të tretë janë dhënë me të holla kesh. Pos kësaj KF Dardania ka ndarë çmimet për ekipin fairplay, lojtarin dhe portierin më të mire të turnirit, njofton albinfo.ch

 Çmimet i ka ndarë prezantuesi i emsionit “Një kafe me Labin”, Labinot Gashi. Fairplay ka shkuar tek  skuadra “Team Megabau”. Lojtari më i mirë është zgjedhur Arbias Binaku dhe portieri më i mire Blereim Haxhijaj, që të dy fitues të Eny kupës me ekipin Vt24.ch/AS Carosserrie.

 

“Eny Finance” është një kompani zvicerane (një lloj i bankës së digjitalizuar), që është aktive në fushën e shërbimeve financiare. Kompania është themeluar në vitin 2011, kurse produktet (si p.sh. “eny Credit”) janë hedhur në treg që nga mesi i vitit 2012. 

KF Dardania St. Gallen luan në ligën e tretë të Zvicrës dhe është klubi i dytë shqiptar i qytetit bashkë me FC Besën që marrin pjesë me disa ekipe në kampionate të futbollit të Zvicrës lindore, shkruan albinfo.ch.

Fitues të turnirit: Vt24.ch& AS Carosserie
Vendi i dytë ekipi: Neziri Hoch&Tiefbau
Lojtari i më i mirë i turnirit Arbias Binaku
Portieri më i mirë Blerim Haxhijaj  lexues të numrit më të ri të albinfo.ch 
Lexues të numrit më të ri të albinfo.ch