Fluks i ri i refugjatëve në Itali

Vetëm gjatë 24 orëve të fundit në Lampeduza janë regjistruar 17 zbarkime, me gjithsej 679 migrantë.

Operacionet e shpëtimit filluan dje nga ”Guardia di Finanza”, strukturat e Kapitenerisë dhe Frontex dhe vazhduan gjatë gjithë ditës, transmeton ansa, përcjell albinfo.ch.

Shumë gra dhe fëmijë gjithashtu zbarkuan në Lampeduza.

Grupet e ndryshme që mbërritën raportuan se ishin larguar nga Zarzis, Chebba, Jebiniana dhe Kerkenna dhe paguanin deri në 4 000 dinarë për të mbërritur në Itali.

Pas 17 zbarkimeve ditën e djeshme dhe pesë gjatë natës, në qendrat e grumbullimit janë 1 436 migrantë.