Formacioni zyrtar i Kosovës, Kololli në qendër të sulmit

Është publikuar formacioni zyrtar i Kosovës që do të përballet me Moldavinë

Kosova sonte do të ketë ndeshjen e parë në Ligën e Kombeve, përkatësisht Ligën C, Grupi 3.

Dardanët do të përballen me Moldavinë në përballjen që zhvillohet në Parma të Italisë, shkruan albinfo.ch.

Përzgjedhësi Bernard Challandes ka zgjedhur 11-shen për këtë ndeshje. Benjamin Kololli do të luajë në qendër të sulmit për shkak të mungesës së Vedat Muriqit.

Ai mbështetet nga Valon Berisha, Milot Rashica dhe Arbër Zeneli, kurse në mesfushë janë edhe Hekuran Kryeziu dhe Herolind Shala.

Mbrojtja përbëhet nga Amir Rrahmani, Fidan Aliti, Mërgim Vojvoda dhe Leart Paqarada, derisa portier Arijanet Muriq.

 

---