Fotografitë e ditës: Dy rrugë në Ukrainë, të emërtuara për shqiptarët

Ministri i Shtetit per Diaspore (Facebook)

Ministri i Diasporës në Shqipëri, Pandeli Majko, po qëndron për vizitë në Ukrainë.

Përpos njoftimeve për takimet, në faqen e ministrit janë postuar edhe disa fotografi të shkrepura në Odesa të Ukrainës, ku dy rrugë në këtë qytet janë emërtuar për shqiptarët, shkruan albinfo.ch.

“Foto të ditës/Emrat e dy rrugëve kryesore në qytetin Odesa (Ukrahinë) në kujtim të pranisë së shqiptarëve në këtë vend”, thuhet në njoftim.

Gjatë ditës së sotme, po ashtu në Ukrainë, ministri Majko ka qenë i ftuar në një forum diskutimi në Universitetin Shtetëror në Izmail, ku ka folur për bashkëpunimin mes Shqipërisë dhe Ukrainë, me ç’rast ka shprehur interesimin për bashkëpunim mes shqiptarëve të Ukrainës dhe Shqipërisë.