Franca e Gjermania, nga armiq të dikurshëm, promovojnë paqen e pajtimin  

Franca dhe Gjermania përkujtojnë çdo vit armëpushimin e 11 nëntorit 1918, i cili i dha fund luftimeve në Luftën e Parë Botërore.

Kjo ceremoni është gjithashtu një mundësi për të nderuar të gjithë ata që ranë për Francën dhe Gjermaninë në konfliktet e kaluara dhe aktuale.

“Një ceremoni ushtarake në vendin e ushtarëve të rënë në Prishtinë gjatë luftimeve në Frontin Lindor, do të mbahet më 11 nëntor në orën 11:00. Ky vend ndodhet brenda varrezave të krishtere në Arbëri”, njofton Ambasada gjermane në Prishtinë, transmeton albinfo.ch.

Sikurse vitet e kaluara, edhe këtë vit ceremonia do të organizohet së bashku me Ambasadën e Gjermanisë në Kosovë. Miqësia franko-gjermane tregon se pajtimi është i mundur edhe mes ish-armiqve historikë dhe mund të shërbejë edhe si model për pajtimin në Ballkan.

Ajo gjithashtu dëshmon për vuajtjet e të gjithë popujve të përballur me mizoritë e luftës.