Lajme
Franca në krizë politike
Franca ndodhet në krizë politike, sipas një studimi që vlerëson gjendjen e vendit përpara zgjedhjeve presidenciale.
”Katër të pestat e votuesve nuk kanë më besim te partitë politike dhe rreth 40% nuk ndihen më të lidhur me ndonjë lëvizje”, zbuloi studimi i grupit të ekspertëve ”Fondapol”.
Ndërkohë 35% mund të dorëzojnë një fletëvotim të bardhë, ndërsa 26% nuk planifikojnë të votojnë fare.
Të anketuarit renditën arsyet e tyre se ata mendonin se kandidatët janë të papërshtatshëm.
Numri i njerëzve të gatshëm të votojnë për një kandidat radikal ka arritur pikën më të lartë që nga zgjedhjet e para të drejtpërdrejta presidenciale që u mbajtën në vitin 1965.
Rreth 46% e të anketuarve thanë se do të votonin për një kandidat nga e djathta ekstreme ose e majta ekstreme.
Tendenca ishte edhe më e theksuar te votuesit e rinj, me 54% të 18-24-vjeçarëve që planifikonin të votonin për një politikan radikal.
Ka gjithashtu nivele mbi mesataren e mbështetjes midis votuesve të rinj për lëvizjet protestuese si “jelekëverdhët” apo ”antivakserët”.
Ndërkohë studimi zbuloi se elektorati po zhvendoset në të djathtë, me 46% të prirur të votojnë për një kandidat të krahut të djathtë ekstrem ose konservator të krahut të djathtë.
Në rast të balotazhit midis presidentit Emmanuel Macron, i cili kandidon për një mandat të dytë, dhe sfidueses së tij kryesore të krahut të djathtë, Marine Le Pen, 31% e të anketuarve janë të sigurt ose shumë të sigurt se do të votojnë për Le Pen.
Megjithatë, njerëzit e vlerësuan punën e presidentit Emmanuel Macron më pozitivisht që nga pandemia dhe shpërthimi i luftës në Ukrainë.
Vlerësimet e miratimit të tij janë rritur nga 29% në janar 2020 në 45% në mars 2022.
Mes këtyre krizave, besimi francez në institucionet evropiane është rritur gjithashtu.
”Fondapol” anketoi 3 108 votues të regjistruar midis 10 dhe 14 marsit, të cilët paraqesin një mesatare përfaqësuese të popullsisë.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore