Lajme
Franca përgatit ligjin për masat e reja
Ligji i ri për masat kundër COVID-19, përfshirë shtrirjen e diskutueshme të pasaportës shëndetësore, do të hyjë në fuqi më 9 gusht në Francë, njoftoi zëdhënësi i qeverisë, Gabriel Attal.
“Këshilli Kushtetues ka treguar se do të marrë vendimin e tij më 5 gusht, prandaj ligji do të shpallet menjëherë, me një hyrje në fuqi që ne e presim më 9 gusht”, tha Attal, raporton Afp, përcjell Albinfo.ch.
“Në fillim, do të ketë një kohë përshtatjeje, tolerance, mësimdhënie, mbështetjeje për aktorët e interesuar nga detyrimi për të paraqitur një pasaportë shëndetësore”, përsëriti ai, duke iu referuar “periudhës së një jave kalimtare” të dhënë tek institucionet që tashmë i nënshtrohen asaj.
Pasaporta shëndetësore (testi negativ Covid, certifikata e vaksinimit ose certifikata e shërimit) është e detyrueshme në Francë, që nga 21 korriku, në vendet e kohës së lirë dhe kulturore (kinema, muze, etj.), ku mblidhen më shumë se 50 persona.
Një ligj i ri i miratuar nga Parlamenti parashikon që ai të shtrihet për kafenetë, panairet dhe ekspozitat, avionët, trenat në distanca të gjata, si edhe në institucionet mjekësore.
Kjo pasaportë ka qenë subjekt i protestave kundërshtuese prej disa javësh.
Një apel u paraqit me iniciativën e opozitës së majtë para Këshillit Kushtetues, me shpresën që kjo masë të censurohej, sepse konsiderohet si shkelje e lirive.
Qeveria paraqiti një apel identik, por përkundrazi për ta vërtetuar atë në përputhje me parimet themelore të ligjit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën