Franca rrit buxhetin në 136 miliardë euro për të luftuar pandeminë

Franca ngriti masat për të luftuar koronavirusin në 136 miliardë euro.

Qeveria kishte vendosur koston 110 miliardë euro në prill, por që atëherë është dashur të bëjë rishikime në rritje për të marrë parasysh rënien e të ardhurave nga taksat dhe shpenzimet shtesë.

Ministri i Financave, Bruno Le Maire, tha që qeveria po mobilizonte gjithsej 460 miliardë euro, apo 20% të PBB-së, shkruan reuters, përcjell albinfo.ch.

“Ky vendim është plotësisht i krahasueshëm me ato që bëjnë vendet e tjera, përfshirë Gjermaninë”, u tha Le Maire ligjvënësve në Dhomën e Ulët të Komitetit të financave të Parlamentit.

Qeveria e vuri Francën nën bllokadat më të rrepta të Evropës nga mesi i marsit, duke mbyllur një pjesë të madhe të ekonomisë , ndërsa filloi të heqë kufizimet më 11 maj, përcjell tutje albinfo.ch.

 

 

---