Lajme

Fshati, i qëndisur nga natyra, në lindje të Prishtinës

Mramori, një fshat piktoresk i Kosovës, që ruan të gjitha vlerat dhe kulturat bujqësore

Mramori është një fshat malor midis maleve, ka një bukuri e rrallë natyrore, me një klimë shumë të shëndetshme e ajër të pastër, shkruan albinfo.ch.

Mramori gjendet në pjesen lindore të Prishtinës, rruges Prishtinë-Gjilan, është larg nga qyteti i Prishtinës afro 15 km.

Mes natyrës, mund të shijoni kafen nën cicërimat e zogjëve

Fshati Mramor është i pasur me komplekse të bukura malore, atraktive dhe me natyrë magjepsëse. Kultura bujqësore është shumë e përhapur në këtë vend, shkruan tutje albnfo.ch.

Pamje nga natyra

Ky fshat me motivet që ka ofron mundësi të mira për të kaluar një fundjavë verore apo dimërore.

Kujtojmë se revista e njohur “Harpers Bazaar” pati mbledhur 10 peizazhet më të bukura nga Evropa, në mesin e pamjeve plot dritë ishte edhe fshati Mramor.

Kulturat bujqësore

Me të hyrë në këtë fshat, mund të shijohet natyra me pamje mahnitëse, ndërsa malet rreth saj i shtojnë hijeshinë, që çdoherë e më shumë po shquhet si nga ana e kulturës, ashtu edhe për nga pastërtia që mbahet nga vetë banorët.

Pamje nga fshati

Përballë Mramorit gjendet Liqeni i Badovcit, ku do ta ndjeni freskinë dhe do të shijoni me patjetër çdo moment që do të kaloni aty.

Liqeni i Badovcit

Shtatori është muaji ideal për ta vizituar Mramorin, kur ngjyrat e vjeshtës pushtojnë natyrën e freskët të këtij vendi, shkruan albinfo.ch.

Banorët e zonës janë të gatshëm për të pritur miq dhe për t’u ofruar atyre një pjesë të madhe të produkteve që ata i prodhojnë vetë, si djathin, gjizën dhe kosin e deleve dhe shumë gatime e ushqime tradicionale. /Albinfo.ch

 

 


LAJME INTERESANTE NGA INTERNETI