Fushata zvicerane e vaksinimit Covid-19 synon më të cenuarit

Zyra Federale e Shëndetit Publik, FOPH, ka nisur një fushatë mbarëkombëtare për të inkurajuar njerëzit, veçanërisht ata të cenuar, mbi 65 vjeç dhe këdo me një sëmundje paraekzistuese, për të marrë një vaksinë Covid këtë vjeshtë, shkruan swissinfo.

Më të cenuarit janë në rrezik të shtuar të zhvillimit të një forme të rëndë të sëmundjes dhe mbrojtja e tyre imune ka shumë të ngjarë të ulet, tha FOPH në një deklaratë, teksa u rekomandua gjithashtu vaksinimi kundër gripit për njerëzit në rrezik.

Zyra e Shëndetësisë nisi të hënën një fushatë kombëtare të synuar “Vaksino kundër gripit dhe Covid-19” që do të zgjasë deri më 19 nëntor, ndërsa informacioni do të publikohet në revista të ndryshme, në ekranet televizive dhe kinematë dhe online, përcjell albinfo.ch.

“Meqenëse pothuajse të gjithë tashmë kanë qenë në kontakt me koronavirusin, sistemi ynë imunitar tashmë e ka hasur atë. Tek njerëzit pa faktorë rreziku, variantet aktuale në përgjithësi shkaktojnë vetëm forma të buta të sëmundjes”, tha FOPH.

Zyra e shëndetësisë ka shtuar ndër të tjera se gripi nuk është gjithmonë i padëmshëm dhe herë pas here mund të çojë në komplikime serioze, prandaj edhe ka rekomanduar një vaksinim vjetor kundër gripit.