Lajme

Futbollistja shqiptare në mesin e 10 grave më të fuqishme në Suedi

Asllani është një nga meritoret më të mdha në futbollin e Suedisë

Kosovare Asllani, futbollistja e njohur shqiptare, është zgjedhur në mesin e 10 grave më të fuqishme në Suedi, transmeton albinfo.ch.

Në një artikull të publikuar në faqen zyrtare të shtetit suedez, vlerësohet kontributi i Asllanit në ndeshjet e kategorisë së femrave në Botërorin e 2019-ës. Gjatë vitit të kaluar, 30-vjeçarja ishte edhe në mesin e të nominuarave për çmimin e “Topit të artë”.

Futbollistja shqiptare shënoi tre gola të rëndësishëm gjatë Kupës së Botës. Një në ndeshjen fituese kundër Kilit, një tjetër në ndeshjen fituese kundër Tajlandës dhe një e treta në ndeshjen bronzi kundër Anglisë.

Për shumë vjet, Suedia ka pasur një nga skuadrat më të mira në botë kur bëhet fjalë për futbollin e grave. Fitimi i bronzit në Kupën e Botës 2019 bëri që mbështetja për ekipin të rritet në mënyrë dramatike dhe më në fund u tha se Asllani është një nga meritoret më të mëdha në njohjen që meritojnë me të vërtetë. /Albinfo.ch