Kosova

Gastronomia në Kosovë nuk do të shërbejë kafe për qeveritarët

E mërkurë, 11 Nëntor 2020 - 18:30 albinfo.ch

Shoqata e Gastronomëve të Kosovës ka vendosur që të mos u shërbejë kafe qeveritarëve.

Përmes një postimi në Facebook, shoqata thotë se i ka shpallur “non grata” anëtarët e Qeverisë së Kosovës.

“S’ka konsideratë për neve, s’ka kafe për juve. Shoqata e Gastronomëve në emër të gjithë anëtarëve shpall Qeverinë e Kosovës NON GRATA (të padëshirueshëm). Nuk do t’ju shërbejmë në kafe, bare dhe restorante. Vendimi hyn në fuqi menjëherë’, thuhet në njoftim.

Shoqata e Gastronomëve është deklaruar dhe ka protestuar kundër masave të marra nga Qeveria, si mbrojtje nga Covid. Ata të shtunën kanë protestuar kundër mbylljes në vikend që Qeveria e bëri në 7 komuna të Kosovës.