Lajme
Gjeneva bëhet kantoni zviceran me ligjin më të ashpër kundër duhanit
Në Kantonin e Gjenevës duhani do të ndalohet në vende dhe objekte publike si stacionet e autobusëve, shkollat, këndet e lojërave dhe qendrat sportive
Parlamenti i Kantonit të Gjenevës ka miratuar sot një ndryshim në ligj, përmes të cilit ashpësohen me të madhe masat kundër pirjes së duhanit.
Vendimi është marrë me 63 vota pro, vetëm 4 vota kundër dhe 9 abstenime, shkruan sda.ch.
Ky ndryshim në ligj synon të mbrojë popullsinë, veçanërisht të rinjtë, nga ekspozimi ndaj duhanit, është shprehur deputeti i MCG-së, Sandro Pistis.
Kështu, tani në Gjenevë, masat kundër pirjes së duhanit janë më të rreptat në të gjithë Zvicrën.
Duhanpirësit në kantonin e Gjenevës duhet të durojnë pa tymin e duhanit në zona të hapura për publikun, transmeton albinfo.ch. Këtu përfshihen të gjitha qendrat e trajnimit, shkollat, kopshtet dhe këndet e lojërave. Objektet sportive si pishinat, fushat e futbollit dhe tribunat si dhe sheshet e patinazhit në akull janë gjithashtu të prekura nga ky vendim. Pirja e duhanit gjithashtu nuk do të lejohet më në kampe ditore dhe pushimi dhe as në stacionet e transportit publik.
“Pionierë në Zvicër”
Pamja e njerëzve që pinë duhan ose e bishtave të cigareve në tokë mund t’i joshë të rinjtë të fillojnë të pinë duhan, ka thënë deputetja e PS-së, Jennifer Conti, duke prezantuar projektligjin. Disa vende, duke përfshirë Francën, Spanjën, Shtetet e Bashkuara të Amerikës dhe Kanadanë, kanë krijuar tashmë zona publike në natyrë, pa duhan. “Me këtë tekst kantoni i Gjenevës po bëhet pionier në Zvicër”, është shprehur deputetja.
“Ky projektligj është inovativ” ka theksuar përgjegjësi kantonal për shëndetësi, Mauro Poggia (MCG). Megjithatë, ai nuk ka përjashtuar që disa dispozita, si ndalimi i duhanit në stacionet e autobusëve, mund të kundërshtohen në gjykatë.
Në Zvicër, ligji federal kundër pirjes së duhanit pasiv është në fuqi që nga viti 2010. Ndër të tjera, ai ndalon pirjen e duhanit në të gjitha hapësirat e mbyllura nëse në to ka qasje për publikun ose shërbejnë si vend pune për disa persona, përcjell albinfo.ch. Megjithatë, kantonet mund të miratojnë rregulla më të rrepta, që nuk i parasheh ligji federal.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla