Gjermanët nuk e japin kartëmonedhën 500 €

Banka gjermane „Bundesbank“ po e mbron kartëmonedhën 500 euro, duke mohuar pretendimet se heqja e saj do të ndihmojë në luftën kundër terrorizmit, raporton Reuters.

Banka Qendrore Evropiane së fundmi ka thënë se po shqyrton heqjen e kartëmonedhës prej 500 euro për shkak të pretendimeve se po u përshtatet kriminelëve që kërkojnë për të fshehur ose për të transferuar sasi të mëdha parash.

“Unë besoj se terroristët apo kriminelët të tjerë të vërtetë mund të ndalen në punën e tyre të paligjshme duke aplikuar limite monetare në kufi”, tha anëtari i Bordit të Bundesbank, Karl Ludwig Thiele.

Ideja për të shfuqizuar kartëmonedhën 500 euro, e cila ka vlerë 5 herë më shumë se 100 dollarëshi amerikan në SHBA, shkaktoi pakënaqësi në Gjermani, ku qytetarët ende preferojnë të paguajnë kesh, thotë Reuters, duke kujtuar se ekonomia më e madhe e Evropës para futjes së euros ka pasur një kartëmonedhë prej 1000 markash.