Gjermani: Dënohet me burgim të përjetshëm gruaja, e cila u paraqit si mjeke

Keystone

Një gjykatë gjermane dënoi me burgim të përjetshëm një grua, e cila u paraqit si mjeke pasi shkaktoi vdekjen e disa personave që ajo po trajtonte.

Gjyqtarët në Gjykatën rajonale në Kassel thanë se provat treguan se gruaja 51-vjeçare, emri i së cilës nuk u bë i ditur, përdori një licencë të falsifikuar për të punuar si anesteziologe.

Gjykatësit përcaktuan se tre pacientë vdiqën si pasojë e gabimeve të trajtimit, derisa të tjerët pësuan dëmtime serioze, raportoi agjencia gjermane e lajmeve dpa.

Ata e dënuan gruan për tri akuza për vrasje dhe 10 akuza për tentativë vrasjeje.