Gjermani: Shpërthim në një park industrial të kompanive kimike

epa09369789 A view of smoke billowing from the chemical industry area of 'Chempark' in Leverkusen, Germany, 27 July 2021. The city of Leverkusen has warned citizens on its official website, that an explosion with an unknown cause occurred on the day at the site of the Chempark. Residents are asked to stay indoors and to keep windows and doors closed. EPA/SASCHA STEINBACH

Një shpërthim në një park industrial të kompanive kimike ka tronditur qytetin gjerman të Leverkusenit të martën, duke dërguar një shtëllungë të madhe të zezë tymi në ajër.

Zyra Federale për Mbrojtje Civile dhe Asistencë në Fatkeqësi e Gjermanisë e ka klasifikuar shpërthimin si një “kërcënim ekstrem” dhe ka kërkuar nga banorët të qëndrojnë brenda dhe t’i mbajnë dritaret dhe dyert e mbyllura, ka raportuar agjencia gjermane e lajmeve “Dpa”.

Operatorët në “Chempark” në Leverkusen thanë se shkaktari i shpërthimit mbetet i paqartë.

Ata thanë në “Twitter” se zjarrfikës dhe kamionë për detektimin e ndotjes janë në vend të ngjarjes.

Policia ka thënë se nuk kanë ndonjë informacion mbi shkaktarin ose madhësinë e shpërthimit. Ata kërkuan nga të gjithë banorët që të qëndrojnë brenda dhe paralajmëruan të tjerët jashtë Leverkusenit të shmangin këtë rajon.

Situata në Leverkusen-Wiesdorf aktualisht është e paqartë, ka thënë Policia.

“Janë disa të lënduar”.

Ata kanë mbyllur edhe disa autostrada të mëdha./WP