Lajme
Gjermania dënon thirrjet për dëbimin e palestinezëve nga Gaza
Qeveria gjermane ka dënuar thirrjet e ministrave të qeverisë izraelite për rikolonizimin e Rripit të Gazës nga hebrenjtë.
“Thirrjet e izraelitëve për të dëbuar palestinezët nga zona janë plotësisht të papranueshme”, tha sot në Berlin një zëdhënës i Ministrisë së Jashtme të Gjermanisë.
“Ato kontribuojnë në përkeqësimine e situatës në konfliktin aktual dhe shkelin qartë ligjin ndërkombëtar”, tha zëdhënësi.
Lëvizja e kolonëve izraelitë zhvilloi dje një “Konferencë të Fitores”, duke bërë thirrje për rindërtimin e vendbanimeve hebraike në Rripin e Gazës dhe pjesë të Bregut Perëndimor, transmeton dpa, përcjell albinfo.ch.
Midis pjesëmarrësve në konferencë ishin ministra të shumtë nga partia konservatore “Likud” e kryeministrit izraelit Benjamin Netanyahu, ministri i Sigurisë Kombëtare, Itamar Ben-Gvir dhe ministri i Financave, Bezalel Smotrich, nga partitë e ekstremit të djathtë në koalicionin e Netanyahut.
Zëdhënësi i Ministrisë së Jashtme të Gjermanisë hodhi poshtë idenë e zgjerimit të vendbanimeve në Gaza dhe tha se nevojitet një zgjidhje e qëndrueshme e konfliktit në vend të dëbimit masiv të palestinezëve nga Gaza.
“Kushdo që mendon se mund të arrijë sigurinë për Izraelin me fantazitë e dëbimit, është qartësisht në rrugën e gabuar”, tha zëdhënësi.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit