Lajme

Mund të ketë rritje të sëmundjeve tropikale për shkak të ndryshimeve klimatike në Gjermani

Presidenti i Institutit Robert Koch (RKI), Lothar Wieler, ka thënë se pret një rritje të përhapjes së sëmundjeve tropikale në Gjermani si pasojë e ndryshimeve klimatike, transmeton albinfo.ch.

Ai u tha mediave se ndryshimi i klimës po çon në një zgjerim të habitateve të mushkonjave dhe rriqrave në Gjermani.

“Shumë lloje të mushkonjave dhe rriqrave mund të transmetojnë agjentë infektues viralë, bakterialë dhe parazitë”, tha ai.

Riprodhimi i viruseve te mushkonjat varet nga temperatura, kështu që me temperatura më të larta në periudha më të gjata kohore, rritet probabiliteti i infeksioneve nga pickimi i mushkonjave.

Wieler përmendi Zikën, dengën dhe virusin e Nilit Perëndimor, si dhe meningoencefalitin e hershëm të verës (FSME) si shembuj të viruseve që së shpejti mund të jenë në rritje në Gjermani dhe tha se ekzistonte madje një mundësi që Malaria mund të shfaqet në vend.

Prandaj, tha ai, është thelbësore që të ndërgjegjësohet për sëmundje të tilla në profesionin e mjekësisë në këtë vend, transmeton tutje albinfo.ch.


LAJME INTERESANTE NGA INTERNETI