Lajme

Gjermania i druhet mbingarkesës së spitaleve

E enjte, 28 Tetor 2021 - 23:55 albinfo.ch
(KEYSTONE/Laurent Gillieron)

Shoqata gjermane e Spitaleve ka paralajmëruar për një ngarkesë në rritje në njësitë e kujdesit intensiv, për shkak të rritjes në shifrat e infeksionit me COVID-19.

“Jemi në një situatë kritike pandemike”, tha Gerald Gass, kryetar i bordit, për Redaktionsnetzwerk Deutschland.

“Numri i pacientëve të shtruar në spital me një infeksion COVID-19 është rritur ndjeshëm brenda një jave”, shtoi ai.

Në pavijonet normale ka pothuajse 40 për qind më shumë pacientë se një javë më parë.

Në njësitë e kujdesit intensiv, ka 15 për qind më shumë.

“Nëse ky zhvillim vazhdon, ne do të kemi 3 000 pacientë në kujdes intensiv në vetëm dy javë”, paralajmëroi Gass.

Në kulmin e pandemisë, në janar 2021, më shumë se 5 700 pacientë COVID-19 trajtoheshin në kujdes intensiv.

Incidenca shtatëditore e infeksionit në Gjermani është rritur sërish ndjeshëm.

Instituti Robert Koch për Kontrollin e Sëmundjeve (RKI) raportoi 130,2 infeksioneve të reja për 100 000 banorë.

Një ditë më parë, ky barometër kryesor ishte në 118,0 dhe një javë më parë ishte 85,6.

 

 Të tjera nga Lajme

Pas kaosit të natës, trenat rikthehen në qarkullim në Gjermani

 E-Diaspora

 Jeta në Zvicër