Gjermania investon në Kosovë

Ministria e Punës dhe Mirëqenies Sociale ka nënshkruar dy marrëveshje të rëndësishme dhe në bazë të këtyre marrëveshjeve, Gjermania do të ofrojë mundësi shumë të mira për punë dhe e kthen Gjermaninë në Kosovë si një investitore premtuese për prosperitetin dhe mirëqenien e qytetarëve të Kosovës

Ministri i Punës dhe Mirëqenies Sociale, Arban Abrashi ka njoftuar se kanë nënshkruar dy marrëveshje me rëndësi në fushën e bashkëpunimit, njofton albinfo.ch.

Marrëveshja e parë është me Agjencinë e Punësimit e Gjermanisë (Bundesagentur für Arbeit), me përvojë 90 vjeçare, që do të ofrojë ekspertizë në themelimin e Agjencisë së Punësimit të Republikës së Kosovës, menaxhimin e politikave të punësimit, ka njoftuar vetë ministri Abrashi në “Facebook”.

Sipas kësaj marrëveshje parashihen shumë aktivitete të përbashkëta, në kuadër të partneritetit ndërmjet dy institucioneve.

Marrëveshja e dytë është me Shoqatën Bavareze të Kompanive Ndërtuese (LBB) dhe Shoqatën Gjermane për Bashkëpunim Ndërkombëtar (GIZ), marrëveshja e cila u ofron qytetarëve të Kosovës punësim, shkollim profesional dhe shkëmbim të përvojave në fushën e ndërtimtarisë.