Gjermania heq kufizimet për eksportet e armëve në Izrael

@unsplash

Gjermania ka bërë të ditur se do të largoj kufizimet në eksportet e armëve në Izrael, duke theksuar një “armëpushim të stabilizuar” në Gaza dhe përparimin e fundit diplomatik në rajon.

“Vendimi hyn në fuqi më 24 nëntor dhe e kthen vendin në shqyrtim rast pas rasti të aplikimeve për eksport armësh në Izrael”, deklaroi zëdhënësi i qeverisë gjermane, Stefan Kornelius, transmeton albinfo.ch.

Sipas njoftimit, qeveria e bazoi vendimin e saj në armëpushimin midis Izraelit dhe Hamasit që ka qenë në fuqi që nga 10 tetori dhe “është stabilizuar” në javët e fundit teksa vuri në dukje përpjekjet drejt një paqeje të qëndrueshme dhe rritjes së ndihmës humanitare në Gaza.

Kancelari gjerman, Friedrich Merz, urdhëroi kufizimet më 8 gusht, duke ndaluar miratimin e eksporteve të armëve që mund të përdoren në luftën e Gazës ndërsa vendimi erdhi në përgjigje të njoftimit të Izraelit për një ofensivë tokësore në shkallë të plotë dhe ndalimin e dërgesave të ndihmës në Gaza.