Gjermania paralajmēron shtetasit e saj: Mos udhëtoni në këto shtete!

KEYSTONE/Soeren Stache/dpa

Instituti gjerman për Sëmundje Infektive, Robert Koch, ka shtuar disa vende të reja në listën e kuqe, të cilat përbëjnë rrezik epidemiologjik.

Kësisoji autoritetet gjermane kanë paralajmëruar qytetarët e saj që të mos udhëtojnë drejt Kroacisë, Britanisë së Madhe, Austrisë, Sllovenisë dhe Qipros, përcjell Albinfo.ch.

Ata që kthehen nga zonat me rrezik të lartë, duhet të testohen për virusin korona dhe të qëndrojnë në vetizolim derisa të marrin një rezultat të testit.

Por, kjo nuk ndalon udhëtimin në ato zona, por sugjeron që udhëtarët të rishikojnë planet e tyre dhe u lejon atyre të anulojnë udhëtimet pa ndonjë kosto shtesë.

Gjermania i konsideron si zona me rrezik të lartë ato shtete ku regjistrohen 50 apo më shumë raste të infeksionit për 100.000 banorë përgjatë shtatë ditëve.