Bota

Gjermania me pasaportën më të fuqishme në botë, Zvicra e katërta

Ndërkohë, qytetarët e Zvicrës mund të udhëtojnë me pasaportën në 174 shtet

Gjermania ka pasaportën më të fuqishme në botë, sipas Indeksit vjetor të pasaportave “Henley”, shkruan “Business Inisder”.

Sipas renditjes më të re, Gjermania ka dalë në vendin e parë, të cilin e mbante Singapori, përcjell albinfo.ch.

Qytetarët e Gjermanisë mund të udhëtojnë me pasaportën e tyre në 177 vende të botës.

Në vendin e tretë me pikë të barabarta (vende që mund t’i vizitojnë pa vizë) janë Danimarka, Finlanda, Franca, Italia, Japonia, Norvegjia, Suedia dhe Mbretëria e Bashkuar, ku qytetarët e këtyre vendeve mund të udhëtojnë në 175 vende pa vizë.

Ndërkohë, qytetarët e Zvicrës mund të udhëtojnë me pasaportën në 174 shtete. Në vendin e katërt, së bashku me Zvicrën janë Austria, Belgjika, Luksemburgu, Holanda dhe Spanja.

Pasaporta e Amerikës vlen në 173 vende, derisa nga Ballkani qëndron më së miri ajo greke me 171 vende.

Ndërsa, Shqipëria renditet në vendin e 52-të dhe shqiptarët mund të lëvizin lirshëm në 100 vende.

Kosova renditet në vendin e 96-të, ku pasaporta e Kosovës është e vlefshme në 38 vende.

Renditja

 

  1. Gjermania 177
  2. Singapori 176
  3. Danimarka, Finlanda, Franca, Italia, Japonia, Norvegjia, Suedia, Mbretëria e Bashkuar 175
  4. Austria, Belgjika, Luksemburgu, Holanda, Spanja, Zvicra 174
  5. Irlanda, Koreja e Jugut, Portugalia, SHBA 173
  6. Kanadaja 172
  7. Australia, Greqia, Zelanda e Re 171
  8. Republika Çeke, Islanda 170
  9. Malta 169
  10. Hungaria 168
  11. Lihtenshtajni, Sllovaki, Slloveni 167
  12. Letonia, Lituania, Malajzia 166
  13. Estoni 165
  14. Polonia 163
  15. Monako 162

 

https://www.henleypassportindex.com/assets/HENLEY_PASSPORT_INDEX_2018_GLOBAL_RANKING.pdf