Gjermania përgatitet për spektaklin e fishekzjarrëve

Priten shpenzime marramendëse

Është bërë e ditur se në Gjermani kanë filluar përgatitjet për shfaqjen e Vitit të Ri në mënyrën e saj tradicionale, me fishekzjarre, raketa dhe kapsolla.

Thuhet se shitjet e fishekzjarreve filluan zyrtarisht sot, tri ditë përpara natës së Vitit të Ri dhe dihet se gjermanët janë konsumatorë të mëdhenj të tyre.

Ashtu si shfaqjet zyrtare të fishekzjarreve në kryeqytete të tjera të botës, qytetarët në Berlin dhe qytete të tjera njihen për hedhjen e fishekzjarreve në rrugë.

Nga ana tjetër, duhet cekur se sipas një studimi të kompanisë së sondazheve, YouGov, një në 10 persona në Gjermani shpenzon mbi 50 euro për fishekzjarret e Vitit të Ri. Tre për qind e të anketuarve deklaruan se shpenzojnë mbi 100 euro.

Megjithatë, për disa, këto shpenzimet nuk përfundojnë mirë. Spitalet në Berlin shpesh përgatisin salla shtesë, me pritshmërinë se gjatë festimeve të Vitit të Ri mund të ketë incidente të ndryshme, përcjell albinfo.ch.

---