Lajme
Gjiganti i kriptovalutave ka paraqitur kërkesë për falimentim në SHBA
Shkëmbyesi i kriptovalutave FTX ka paraqitur kërkesë për falimentim në SHBA, duke kërkuar mbrojtje nga gjykata, ndërsa kërkon një mënyrë për t’u kthyer paratë përdoruesve.
Ish-shefi Sam Bankman-Fried ka dhënë gjithashtu dorëheqjen si shef ekzekutiv, tha kompania, shkruan BBC, përcjell Telegrafi.
Kjo vlerësohet si një kthesë masive e fatit për 30-vjeçarin, i cili kishte drejtuar kompaninë e dytë më të madhe të kriptovalutave në botë.
“Më vjen shumë keq, përsëri, që përfunduam këtu. Shpresojmë që gjërat të mund të gjejnë një mënyrë për t’u rikuperuar”, shkroi në Twitter të premten Bankman-Fried, i mbiquajtur “Mbreti i Kriptove”.
Përpara kësaj, Bankman-Fried kishte qenë një nga yjet e skenës së kriptove, duke u krahasuar me manjatin e investimeve Warren Buffett, me një vlerë neto të vlerësuar në më shumë se 15 miliardë dollarë deri të hënën.
Por, thashethemet në fillim të kësaj jave se FTX dhe firmat e tjera në pronësi të zotit Bankman-Fried ishin në një terren të lëkundur financiar nxitën një masë klientësh të përpiqeshin të tërhiqnin fondet nga FTX, një shkëmbim që përdoret për të blerë dhe shitur “monedha dixhitale”.
Duke paraqitur falimentimin, kompania mund të vazhdojë të funksionojë, ndërkohë që ristrukturon borxhet e saj nën mbikëqyrjen e gjykatës.
FTX tha se qëllimi ishte “fillimi i një procesi të rregullt për të rishikuar dhe monetizuar asetet për të mirën e të gjithë aktorëve globalë”.
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Vdes ushtari zviceran nga të shtënat, gjatë ushtrimeve në kazermë Të martën në mëngjes ka ndodhur një incident në kazermën në Bremgarten AG. Në poligonin e...
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova