Shqipëria
Gjirokastra po tërheq turistët e huaj
Sipas tij, turistët e huaj vijnë nga vende të ndryshme si Italia, Franca, Spanja, Kroacia, Britania e Madhe, por edhe nga Irlanda

Kalldrëmet e Gjirokastrës edhe këtë vit janë gjallëruar nga turistët vendas e të huaj.
Kryetari i bashkisë së Gjirokastrës, Flamur Golemi tha sot për ATSH-në se “në muajt janar-maj Gjirokastra është vizituar nga mbi 70 mijë vizitorë vendas e të huaj, të cilët kanë treguar interes për pika të ndryshme turistike të qytetit”.
“Pikat më të preferuara për t’u vizituar nga turistët janë Pazari, Kalaja, muzetë, Parku Natyror i Viroit, siti arkeologjik i Antigonesë. Kohët e fundit guidat turistike krahas qytetit të gurtë po përfshijnë edhe vizitat e turistëve në Lunxhëri, Cepo, Odrie, Antigone”, theksoi Golemi, transmeton albinfo.ch.
Sipas tij, turistët e huaj vijnë nga vende të ndryshme si Italia, Franca, Spanja, Kroacia, Britania e Madhe, por edhe nga Irlanda.
Golemi bëri të ditur se edhe në muzetë e qytetit numri i turistëve ka ardhur duke u rritur në krahasim me vitin e kaluar.
“Muzetë e qytetit si ai Etnografik, “Kadare”, “Tuneli” dhe muzeu në “Kala” u vizituan nga 7735 turistë deri në prill”, tha Golemi.
Edhe për këtë sezon turistik bashkia ka përgatitur një kalendar të pasur me aktivitete kulturore, për të tërhequr sa më shumë vizitorë dhe për t’i argëtuar ata.
“Bashkia e Gjirokastrës ka organizuar një kalendar të pasur aktivitetesh kulturore, artistike, promovimit të vlerave të folkut, traditës, etj”, tha Golemi.
Ndërkohë, të gjitha strukturat e bashkisë janë bërë pjesë e masave për sezonin turistik për një mjedis të pastër.
Gjatë vitit 2024, Gjirokastra u vizitua nga mbi 700 mijë turistë vendas dhe të huaj duke e kthyer këtë sektor në promotorin e ekonomisë lokale.
E-Diaspora
-
Përjetime të paharrueshme të nxënësve shqiptarë nga Zvicra në atdhe 20 vajza dhe djem shqiptarë nga diaspora në Zvicër po marrin pjesë në edicionin e Shkollës...
-
Kosovare Asllani i dhuron fanellën e veçantë bashkatdhetares nga Zvicra
-
Itali: 20 vjeçari shqiptar plagoset rëndë me thikë
-
Ka ushtruar dhunë mbi gruan: Kosovari lejohet të qëndrojë në Gjermani, për shkak të martesës!
-
Mërgimtarit nga Suedia i vidhen mijera euro, stoli ari dhe dokumente në Kosovë
Jeta në Zvicër
-
SBB përgatitet për ditët me temperatura ekstreme Temperaturat e larta po krijojnë sfida të mëdha për Hekurudhat Federale Zvicerane (SBB). Në dimër ngrijnë...
-
Vetëvrasjet në Zvicër katërfishohen tek të moshuarit
-
Zvicra frankofone, një tokë e re për ullinjtë
-
Zvicra nuk ka prodhuar kurrë kaq shumë energji diellore
-
Zviceranët jetojnë mesatarisht deri në 84 vjeç, por ata duan të jetojnë deri në 93 vjeç