Gjithnjë e më shumë diplomatë turq kërkojnë azil politik në Gjermani

Më shumë se një mijë diplomatë turq, shërbyes civilë dhe anëtarë të familjeve të tyre kërkuan azil politik në Gjermani, pas një përpjekjeje grusht shteti në Turqi në vitin 2016, tha Zyra Federale për Migracionin dhe Refugjatët (BAMF).

“Deri në 7 mars të këtij viti, 288 pronarë të pasaportave diplomatike turke dhe 771 mbajtës të pasaportave për shërbyesit civilë kanë aplikuar në Gjermani për azil politik”, tha BAMF. Kjo statistikë nuk mbulon anëtarët e forcave të armatosura.

Numri i shtetasve turq me pasaporta të zakonshme për azil në Gjermani është në rritje. Vetëm në dy muajt e parë të këtij viti, 400 qytetarë turq kërkuan azil. Vitin e kaluar kjo shifër ishte 8,500, e në vitin 2016 – 5,700.

Në të njëjtën kohë, përqindja e aplikacioneve të pranuara për azili po rritet ndjeshëm.