Lajme
Gjurmuesit e kontakteve kanë humbur kontrollin mbi infeksionet
Ekipi gjurmues i kantonit të Cyrihut, për shembull, është aq i mbingarkuar sa që kantoni është dorëzuar dhe e ka lënë gjurmimin në duar të vet të prekurve
Gjurmuesit e kontakteve të koronavirusit, në nivele kantonale nuk mund të përballen më me rastet e shpërthimit të virusit në shumë vatra. Prandaj, ekziston rreziku që të mos munden të ndërpriten më zinxhirët e infeksionit, shkruan gazeta SonntagsZeitung.
Ekipi gjurmues i kantonit të Cyrihut, për shembull, është aq i mbingarkuar sa që kantoni është dorëzuar dhe e ka lënë gjurmimin e kontakteve në duar të vet të prekurve.
Një zëdhënëse e Drejtorisë Shëndetësore të Cyrihut ka konfirmuar për gazetën se ishte gjithashtu në dijeni të disa rasteve në të cilat gjurmimi i kontakteve kishte dështuar dhe ata që ishin potencialisht të infektuar nuk ishin njoftuar, transmeton albinfo.ch.
Në shumë kantone, vetëm dhjetë deri në 20 për qind e njerëzve të infektuar së fundi janë vendosur në karantinë në kohën e testit pozitiv të koronavirusit, ka thënë ajo.
Epidemiologu nga Berna, Nicola Low thotë: “Kërkohet një efikasitet më i madh në mënyrë që zinxhirët e infeksionit të prishen, püercjell albinfo.ch. Shkalla e atyre që janë tashmë në karantinë pas konfirmimit të infeksionit duhet të rritet në 80 për qind”.
Ndërsa epidemiologu dhe anëtar i Task Forcës federale të koronavirusit, Marcel Tanner, ka pranuar për gazetën “SonntagsZeitung” se gjurmimi i kontakteve në disa vende tashmë është “në fund të fuqive” të tij.
Por megjithatë, Zvicra nuk duhet të heqë dorë nga gjurmimi, në asnjë rrethanë, transmeton albinfo.ch. “Përkundrazi: kantonet do të duhet të bëjnë përpjekje edhe më të mëdha, përndryshe do të na godasë një valë e dytë” paralajmëroi Tanner.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet