Lajme
Gjykata gjermane: 7 vjet burgim planifikuesit të sulmit terrorist në Shqipëri
Sipas hetimeve, personi në fjalë kishte planifikuar vrasje dhe sulme terroriste në Gjermani dhe Shqipëri me një qelulë terroriste të bashkatdhetarëve të tij taxhikë
Një 31-vjeçar është dënuar me shtatë vjet burgim në Gjykatën e Lartë të Landit në Dyseldorf për anëtarësinë e tij në organizatën terroriste të Shtetit Islamik (ISIS).
Sipas hetimeve, personi në fjalë kishte planifikuar vrasje dhe sulme terroriste në Gjermani dhe Shqipëri me një celulë terroriste të bashkatdhetarëve të tij nga Taxhikistani, njofton Agjencia Gjermane e Lajmeve, DPA.
Ndër të tjera, ai thuhet se ishte përfshirë në një vrasje të planifikuar të një kritiku të islamit nga qytetit Neuss afër Dyseldorfit, transmeton albinfo.ch. Ky i fundit ishte konvertuar nga islami në krishterizëm.
31-vjeçari ka pranuar pjesërishgt veprën në gjykatë. Pak para vendimit, të martën, ai ka thënë: “Më vjen shumë keq për të gjitha këto, ju kërkoj falje.”
Prokurori federal kishte kërkuar për tetë vjet e gjysmë burg për të akuzuarin nga Wuppertali. Mbrojtja nuk kishte kërkuar një dënim specifik, por kishte vënë në dyshim pretendimet e prokurorisë në pikat kryesore.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit