Gjykata Ndërkombëtare e Drejtësisë nuk urdhëron Izraelin për armëpushim në Gaza

Foto nga arkiva (KEYSTONE/AP Photo/Fatima Shbair)

Gjykata Ndërkombëtare e Drejtësisë nuk ka marrë vendim për të urdhëruar armëpushim në Gazë, por i ka kërkuar Izraelit që të frenojë vdekjet dhe dëmet.

Ndër të tjera, ka urdhëruar Izraelin t’i marrë të gjitha masat për të parandaluar akte të gjenocidit në Gaza, transmeton albinfo.ch.

Sipas raportimeve nga mediat e huaja, GjND-ja ka thënë të premten se ka juridiksion për të vendosur për masa urgjente, të kërkuara nga Afrika e Jugut, në rastin kundër Izraelit, në luftën e tij kundër Hamasit në Gazë.

Gjykata ka thënë se Izraeli duhet të sigurohet që forcat e tij nuk kryejnë gjenocid dhe marrin masa për të përmirësuar situatën humanitare në Gaza, teksa u tha se Izraeli duhet t’i raportojë gjykatës brenda një muaji për të treguar se çfarë po bën për të zbatuar urdhrin.

Në mesin e masave të kërkuara prej Afrikës së Jugut, përfshihet ndalja e menjëhershme e operacionit ushtarake të Izraelit në Gaza, si pasojë e të cilit raportohet se janë vrarë më shumë se 25.000 palestinezë.