Lajme
Gjykata ruse dënon basketbollisten amerikane me 9 vjet burgim për pak vaj kanabisi
Ajo tha se e kishte marrë qëllimisht me vete vajin e kanabisit dhe nuk kishte menduar se do të merrte një dënim të tillë nga gjykata në Rusi
Kur udhëtoi për në Rusi në muajin shkurt, basketbollistja amerikane, Brittney Grine, kishte marrë me vete në Rusi vaj kanabisi, pa e ditur se nga gjykata ruse do të dënohej me nëntë vjet burgim, nën akuzat për kontrabandë droge.
Ajo tha se e kishte marrë qëllimisht me vete vajin e kanabisit dhe nuk kishte menduar se do të merrte një dënim të tillë nga gjykata në Rusi, raporton Albinfo.ch.
Menjëherë pas vendimit, presidenti i Shteteve të Bashkuara, Joe Biden, lëshoi një deklaratë, duke thënë se ky rast “është një rikujtim për atë që bota tashmë e di: Rusia pa të drejtë po e mban Brittneyn”.
Rusia duket se ka reflektuar pas këtyre deklaratave dhe ka dalë me një ofertë përmes ministrit të saj të Jashtëm, Sergei Lavrov.
“Rusia është e gatshme të diskutojë një shkëmbim të të burgosurve me Shtetet e Bashkuara përmes një kanali diplomatik të rënë dakord nga të dyja vendet, nga presidenti Joe Biden dhe ai Vladimir Putin”, tha Lavrov.
31-vjeçarja Griner, fituese dy herë e medaljeve të arta olimpike dhe yll i Shoqatës Kombëtare të Basketbollit të Grave në Shtetet e Bashkuara, u arrestua në mes të shkurtit, kur mbërriti në Rusi për të luajtur për një skuadër ruse, pasi iu gjet në bagazh vaj kanabisi.
Ajo u gjend në mes të vorbullës gjeopolitike të shkaktuar kur Presidenti Vladimir Putin filloi agresionin rus në Ukrainë më 24 shkurt, duke i çuar marrëdhëniet SHBA-Rusi në nivelin më të ulët që pas Luftës së Ftohtë.
Amerikania iu lut dje një gjyqtari rus që të mos ia mbyllte jetën me një dënim të ashpër me burgim./Albinfo.ch
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor