Futboll

Granit Xhaka do të kalojë në Bayer Leverkusen

Leverkusen do të paguajë 15 milionë euro për mesfushorin Granit Xhaka

Ndeshja e mbrëmshme kundër Wolverhamptonit ishte, sipas të gjitha gjasave, edhe ndeshja e fundit e Granit Xhakës në fanellën e Arsenalit. Ai e përfundoi karrierën në Arsenal me një paraqitje të jashtëzakonshme, duke i realizuar dy gola në fitoren 5:0 ndaj Wolverhamptonit, përcjell albinfo.ch.

Pas lojës, Xhaka ka bërë një postim, ku i ka falënderuar tifozët për mbështetjen dhe klubin për mundësinë e dhënë për t’i shijuar momente magjike aty për shtatë vjet. Siç pritet, ai do të largohet nga Arsenali gjatë afatit kalimtar veror dhe do të kalojë në Bayer Leverkusen. Bëhet e ditur se Leverkusen do të paguajë 15 milionë euro për mesfushorin që luan edhe për kombëtaren e Zvicrës.

Xhaka u transferua në Londër në vitin 2016 nga Borussia Mönchengladbach. Në Arsenal u bë kapiten, fitoi dy FA Cup dhe dy Community Shield. Gjithsej ka pasur 496 ndeshje dhe 32 gola.

Granit Xhaka e ka filluar karrierën në Basel. Për Zvicrën, ku është kapiten, ka luajtur në 113 ndeshje dhe ka shënuar 13 gola.