Gruaja zvicerane akuzon taksistin kosovar për ngacmim seksual

Shoferi 39-vjeçar nga Kosova, i martuar me dy fëmijë është dënuar me dhjetë muaj burg e 3 mijë franga dëmshpërblim

Vetëm shoferi i një taksi dhe pasagjerja e tij femër dinë se çfarë ka ndodhur në një udhëtim taksi në mëngjesin e 31 gushtit të vitit 2015 në Cyrih, shkruan ‘nzz.ch’, përcjell albinfo.ch.

Deklaratat e tyre e kundërshtojnë njëra-tjetrën. Studentja 27-vjeçare dëshironte të kthehej në shtëpi, pasi kishte festuar me kolegët e punës deri në mëngjes,

Ajo ka pranuar se ishte e dehur dhe ishte ulur pas, e kishte kërkuar që sa më shpejt ta dërgonte në shtëpi. Pasi e kishte zënë gjumi, ajo papritmas ka ndjerë dorën e taksistit në pantallonat e saj, derisa shoferi është befasuar me reagimin e saj dhe i ka thënë se do ta dërgonte falas nëse nuk do ta lajmëronte policinë, transmeton albinfo.ch.

Më vonë ishin takuar në polici, por policia nuk kishte marrë parasysh ankesën e saj, pasi ishte e dehur, por ajo nuk e ka lënë me kaq.

Megjithatë, 39-vjeçar i cili është nga Kosova, i martuar dhe me dy fëmijë ka thënë krejt ndryshe nga ajo. Ai ka thënë se ajo vet kishte vënë këmbët në timon dhe ishte munduar t’ia largonte. Ai e paralajmëroi tri herë. Ajo u bë agresive dhe kishte shkatërruar edhe objektet në taksi. E, më pas e kishte nxjerrë nga vetura.

Por, një pjesë e ADN-së së tij u gjend në brekët e saj dhe kjo ka shtyrë gjykatësin që ta dënojë shoferin kosovar me dhjetë muaj burg dhe dëmshpërblim prej 3 mijë franga.

Përkundër dënimit të dhënë ekzistojnë dyshimet sesi ka ndodhur ngjarja, pasi ajo ishte e dehur dhe nuk i kujtohet si është sulmuar e çfarë arsye kishte kosovari të rrezikonte punën, por ishte edhe familjar. Megjithatë, vendimin e ka dhënë i njëjti gjykatës që më parë kishte dënuar shoferin me kusht për vepra penale të narkotikëve dhe kjo ndoshta ka ndikuar edhe në vendimin e përfundimtar.