Lajme

Grupi sindikal shqiptar “Aktivistët” në Unia organizon tubim informativ në Zürich

E premte, 8 Maj 2026 - 16:00 Luljeta Ademi

Grupi sindikal shqiptar në Unia, “Aktivistët”, organizon më 8 maj 2026, nga ora 18:00, një tubim informativ në gjuhën shqipe me temën: “Iniciativa e rrezikshme e SVP-së – ‘Jo Zvicrës 10 milionëshe’”.

Takimi synon të informojë dhe të nxisë diskutim rreth votimit të 14 qershorit 2026, i cili, sipas organizatorëve, lidhet me të ardhmen e Zvicrës, pozitën e të huajve, ekonominë dhe mirëqenien sociale.

Referues do të jetë Florim Kadriu, sekretar sindikal në Unia dhe njohës i mirë i ligjit për të huajt.
Tubimi mbahet në ambientet e Unia-s, në adresën Strassburgstrasse 11, 8004 Zürich.

Pjesëmarrja bëhet me lajmërim paraprak në numrin: 076 284 88 52, te Sheqir Berisha.