Kosova
Guardia di Finanza: Konfiskimi i kokainës në Kosovë, pritej fitimi mbi 100 milionë euro
Për të identifikuar autorët e trafikut masiv të paligjshëm, Prokuroria italiane urdhëroi lejimin e sasisë së kokainës.
Pas konfiskimit të rreth 400 kilogramëve kokainë në Kosovë, ka reaguar dhe pala italiane, konkretisht Guardia di Finanza Comando Provinciale Reggio Calabria (GDF).
Në njoftimin e tyre shpjegohet si janë kapur 400 kg kokainë në Kosovë, e cila kishte kaluar nga Porti i Durrësit.
Sipas saj, janë ndaluar 25 persona dhe 7 prej tyre janë arrestuar si të përfshirë në trafikimin e kësaj sasie.
“Droga, nëse shitet me pakicë në qendrat evropiane të tregtisë së drogës, do të kishte lejuar krimin e organizuar të fitonte mbi 100 milionë euro”, thuhet në deklaratën zyrtare të GDF-së.
Ngarkesa e paligjshme u identifikua përmes skanimit me rreze X, të kryera me pajisje të sofistikuara në portin e Gioia Tauro, të një kontejneri në tranzit nga porti i Brazilit dhe që i drejtohej një kompanie me qendër në Lipjan të Kosovës.
Për të identifikuar autorët e trafikut masiv të paligjshëm, Prokuroria italiane urdhëroi lejimin e sasisë së kokainës.
Kështu në bashkëpunim me Prokurorinë e Kosovës dhe atë shqiptare, sasia e madhe e kokainë u la që të dërgohej në destinacion.
Më herët, Policia e Kosovës bëri me dije se kanë gjetur dhe sekuestruar një sasi substancë të dyshuar narkotike të llojit kokainë në peshë prej 400 kg.
Ndër të tjera, në deklaratën e saj thuhet se gjatë kontrollit në disa lokacione të tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 € para kesh, 200 denar MK, një veturë, 6 telefona celular, 6 PC, dy llap top, katër DVR dhe një Hard Disc.
Të tjera nga Kosova
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën