Lajme
Hapen edhe tri vendkalime kufitare mes Zvicrës dhe Italisë
Që nga 4 maji, tri vendkalime kufitare midis Italisë dhe Ticino që ishin mbyllur që nga mesi i marsit janë përsëri funksionale
Të tre vendkalimet do të jenë në përdorim vetëm nga e hëna deri të premten:
- Ponte Cremenaga: nga 6 e mëngjesit në 10 të mëngjesit, dhe nga 4 e mbrëmjes deri në 7 të darkës
- Brusino: nga 5 e mëngjesit deri në 9 të mëngjesit, dhe nga 4 e mëngjesit deri në 8 të darkës
- Ligornetto: nga 6 e mëngjesit në 10 të mëngjesit, dhe nga 4 e mbrëmjes deri në 7:30 pasdite
Gjithashtu disa vendkalime tjera janë të hapura në Ticino, përcjell albinfo.ch.
Këto vendkalime shtesë janë rihapur për të lehtësuar rifillimin e trafikut kufitar dhe për të parandaluar bllokimet e trafikut një javë para se lehtësimi i ri të hyjë në fuqi më 11 maj.
Ato kryesisht janë të destinuara për punonjësit ndërkufitar nga Italia, të cilët udhëtojnë çdo ditë në punën e tyre zvicerane. Më shumë se 67.800 italianë punojnë në Ticino, me rreth 4000 prej tyre të punësuar në sektorin e kujdesit shëndetësor të kantonit, përcjell tutje albinfo.ch.
Zvicra mbylli pjesën më të madhe të vendkalimeve kufitare me Italinë – ku kishin origjinën shumica e rasteve të hershme Covid-19 – midis 11 dhe 17 Mars.
Pastaj, më 25 mars, autoritetet zvicerane zgjeruan kufizimet kufitare dhe zbatuan kontrollet kufitare për të gjitha vendet e Shengenit. Vetëm qytetarët, banorët dhe ata që posedonin një leje pune ndërkufitare iu dha hyrja.
Në atë kohë, vendimi për të kufizuar hyrjen në Zvicër u mor për të mbrojtur popullsinë dhe për të ruajtur kapacitetet e sistemit të shëndetit publik zviceran.
Por në fund të prillit qeveria filloi të qetësonte kufizimet duke rihapur disa pika hyrëse në kufirin e Zvicrës me Francën.
Kjo është bërë për të parandaluar pengesat për 85,000 frontalierët francezë që janë të punësuar në Gjenevë, dhe për t’u përgatitur për rritjen e numrit të atyre që do të kenë të drejtë të hyjnë në Zvicër nga 11 maji, përfshirë qytetarët e BE-së që kërkojnë bashkim familjar me banorët zviceranë.
Por kontrollet kufitare do të qëndrojnë në vend deri në njoftimin e mëtejshëm, dhe turistët dhe blerësit ndërkufitar do të ndalohen akoma nga hyrja në Zvicër.
Deri më tani, afro 56,000 njerëz janë larguar nga kufijtë e Zvicrës që nga mbyllja e tyre, ndërsa 150 gjoba janë dhënë për shkelje të kufizimeve.
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Wiedikon: Vendasit, të indinjuar me qiratë e larta Një kompleks i ri apartamentesh po krijon disa polemika për shkak të qirave të larta –...
-
Gjendet viktima e fundit e ortekut të prillit
-
Rritet numri i pasagjerëve në transportin publik të Gjenevës
-
Gjashtë gjëra që duhet të dini për pagat në Zvicër
-
Cilat profesione janë më të paarritshme nga të huajt në Zvicër