Hapet në Prishtinë panairi “Blej Shqip”

Është hapur në Prishtinë panairi tradicional “Blej Shqip” 2018 për nder të Ditës së Flamurin. Kreu i Prishtinës, Shpend Ahmeti, ka thënë se në këtë panair do të marrin pjesë mbi 130 biznese,  gjysma e të cilave janë na Shqipëria.

Ahmeti ka kërkuar që të hiqen të gjitha tarifat ndërmjet Kosovës dhe Shqipërisë, derisa këtë panair e ka vlerësuar si shumë të rëndësishëm për promovimin e produkteve shqiptare, përcjell albinfo.ch.

Ahmeti ka thënë se dy vendet duhet të kenë një treg të përbashkët, ku prodhuesit nga të dyja anët e kufirit do të shisnin lirshëm. Ambasadori i Shqipërisë në Kosovë, Qemal Minxhozi, deklaroi se shkëmbimet tregtare ndërmjet dy vendeve këtë vit janë në nivel më të kënaqshëm që ishte rreth 2020 milionë euro.  Ai u shpreh se heqja e tarifave ndërmjet dy vendeve do të ndikonte që shkëmbimet tregtare do të rriteshin.

Ky panair, i cili organizohet nga Komuna e Prishtinës, në bashkëpunim me

Bashkimin e Dhomave të Tregtisë dhe Industrisë së Shqipërisë, ka për qëllim promovimin e produkteve nga të gjitha trevat shqiptare. Panairi do të mbahet më 27, 28 dhe 29 nëntor, në sheshin “Skënderbeu”, nga ora 10:00 deri në ora 24:00.