Lajme

Hapet pika e re e Shkollës Shqipe në Rorschacherberg të St. Gallenit

Sot filluan mësimet në gjuhën shqipe në Shkollën Shqipe në Rorschacherberg, të Kantonin e St. Gallen-it. Kjo është pika e 50-të shkollore e hapur kohët e fundit

Edhe pse po i afrohet fundi vitit shkollor 2020/21, kjo nuk i pengon mësuesit dhe veprimtarët e Shkollës Shqipe në Zvicër”, në udhëheqjen e koordinatorit Dr. Vaxhid Sejdiu, të vazhdojnë me gjithë përkushtimin e tyre në hapjen e pikave të reja të shkollës në gjuhën shqipe. Qëllimi kyresor është që të hapen sa më shumë pika të tilla shkolloredhe të përfshijnë sa më shumë fëmijë shqiptarë në orët e gjuhës amtare.

Në këtë rrugëtim këtë javë u hap edhe shkolla e 50-të në Rorschacherberg, të Kantonit të St. Gallen-it. Takimet me prindërit, ishin ato të cilat ndihmuan edhe hapjen e shkollës shqipe, në të cilën pikë shkollore mësimin e zhvillon mësuesja Artiola Morina.

Një ndihmesë të madhe në këtë përpjekje ka dhënë edhe Drejtoria e shkollës zvicerane, e cila ka bashkëpunuar ngushtë me kryesinë e Shkollës Shqipe në Zvicër gjatë këtyre 2-3 javëve me qëllim që sa më shpejt të realizohet hapja e klasës, ku fëmijët në javët në vazhdim do të kenë mundësinë t`i ndjekin mësimet në gjuhën shqipe.

Mësimi zhvillohet çdo të mërkurë nga ora 16:00-18:00 dhe të gjithë të interesuarit mund të paraqiten në këtë adresë kontaktuese: Dr. Vaxhid Sejdiu, Tel.  076 321 26 94, e-mail: [email protected]

“Shkolla Shqipe – Zvicër”

Sektori për informim