Historiani që parashikoi saktë 9 nga 10 rezultatet e zgjedhjeve të fundit në SHBA, “vendos”

Keystone (AP Photo/David Goldman)

Historiani dhe profesori amerikan, Allan Lichtman, i cili ka parashikuar saktë rezultatin e nëntë nga 10 zgjedhjet e fundit presidenciale, ka deklaruar se parashikon që kandidatja nga radhët e demokratëve, Kamala  Harris, do të fitojë zgjedhjet e vitit 2024.

Sistemi i tij, i cili quhet “Çelësat e Shtëpisë së Bardhë”, kalon përmes “13 parametrave” në një listë për të llogaritur parashikimin përfundimtar, duke mos marrë parasysh sondazhet e përdorura në prag të zgjedhjeve, shkruan CNN.

Në këtë sistem, prej 13 pikësh, secili me përgjigje me një “po” ose “jo”, merr në konsideratë një sërë faktorësh dhe rrethanash – të tilla si nëse ka pasur trazira sociale gjatë mandatit të mëparshëm presidencial, nëse ekonomia është në recesion dhe nëse presidenti aktual është përballur me skandale të mëdha gjatë mandatit të tij ose saj, transmeton albinfo.ch.