Holanda ngre alarmin për shkak të erërave të forta

Autoritetet holandeze kanë pezulluar të gjitha fluturimet drejt dhe nga aeroporti Schiphol i Amsterdamit për shkak të erërave të forta.

Edhe trafiku hekurudhor është ndalur në shumicë për shkak të erërave që po shkojnë deri në 140 kilometra për orë, transmeton Albinfo.ch.

Schiphol, një nga aeroportet më të ngarkuara në Evropë, nuk ka dhënë afat të caktuar për kthim.

Përdorues të shumtë në Twitter kanë postuar fotografi nga Holanda ku kanë treguar dëmet që ka shkaktuar era e fortë.