Holandë: Shpërthimi në një qendër të testimit të koronavirusit mund të ketë qenë i qëllimshëm

Policia holandeze tha se një vend i testimit të koronavirusit në veri të Amsterdamit duket se ishte shënjestruar qëllimisht, pasi kishte një shpërthim në atë vend para se të hapej, raporton Reuters, transmeton Albinfo.ch.

Shpërthimi në qytetin Bovenkarspel, 55 km në veri të kryeqytetit, shkatërroi dritaret, por nuk shkaktoi dëmtime, tha policia nga provinca e Holandës së Veriut në një deklaratë.

Policia tha se ata kishin rrethuar zonën për të hetuar.

Eksplozivi “duhet të ishte vendosur” atje, tha zëdhënësi i policisë Menno Hartenberg për Reuters, duke shtuar se “diçka metalike” kishte shkaktuar shpërthimin.

“Ne nuk e dimë akoma saktësisht se çfarë shpërtheu, ekspertët e eksplozivëve duhet së pari të hetojnë”, tha Hartenberg.

“Ajo që po themi është se diçka e tillë nuk ndodh thjesht rastësisht, ajo duhet të vendoset”, tha zëdhënësi.