Turizëm

Hotelet në Shqipëri fillojnë përgatitjet për sezonin e vitit të ardhshëm

Më 8 nëntor, në ambientet e Hotel “Luani-A Spa & Wellnes”, u organizua një mbrëmje miqësore, me qëllim jo vetëm promovimin e ambienteve të mrekullueshme të këtij biznesi, por edhe për të hapur një derë të re bashkëpunimi për sezonin e ri turistik 2019.

Të pranishëm në këtë event ishin përfaqësues të Shoqatave të ndryshme të Bizneseve, Agjensi turistike si dhe përfaësues të institucioneve publike, ku në vecanti na nderoi pjesëmarrja e Drejtorit të Marketingut të Agjensisë Kombëtare të Turizmit, z. Nardi Maci si dhe Konsullit të Nderit të Ukrainës në Shqipëri, z. Bledi Barajktari.

Gjatë kësaj mbrëmje, kryetari i Shoqatës se Restoranteve Shqiptare, z.Kujtim Dervishi vlerësoi me certifikatë mirënjohje z. Sandër Luani, për kontributin e tij të veçantë në fushën e turizmit në Shqipëri.

Në fund, por jo nga rëndësia u shprehen falënderime për Albinfo.ch për bashkëpunimin e jashtëzakonshëm në Revistën “Shqipëria përtej Bregdetit”, si dhe për të gjithë bashkëpunëtorët e partnerët tanë.