Vdes aktivisti i VV-së që ishte plagosur në protestat e 2007-ës

Së fundi, Lëvizja Vetëvendosje ka njoftuar se sot ka ndërruar jetë Hysni Hyseni, aktivist i kësaj partie nga komuna e Prizrenit.

Thuhet se i ndjeri merret vesh se kishte qenë i sëmurë kohët e fundit, ndërsa ka ndërruar jetë mëngjesin e ditës së sotme.

Hysni Hyseni kishte qenë i plagosur në protestat e Lëvizjes Vetëvendosje të shkurtit të vitit 2007, shkruan express.

Njoftimin për vdekjen e tij e ka bërë përmes Facebook-ut kryetari i Prizrenit, Mytaher Haskuka.

“Hysni Hyseni (Doda)/Na la shumë herët, na la shumë papritur, na la zemërthyer… Ti ishe vetëmohimi, ti ishe frymëzimi, ti ishe guximi!

I drejtë dhe vazhdove drejt! Kurrë nuk u ndale, edhe kur të lënduan dhe të plagosën rëndë, besove dhe veprove! Ti ishe shembull i babait, burrit, vëllait, qytetarit, aktivistit, shokut… Do të kujtojmë gjithmonë bujarinë, guximin, atdhedashurinë … vullnetin për mirësi. I lehtë qoftë dheu i Kosovës, vëlla Hysni, Zoti të mëshiroftë”, ka shkruar ai.

Varrimi i të ndjerit do të bëhet në ora 14:00 në Prizren. /Albinfo.ch.