Humb zgjedhjet, i zhgënjyer emigranti

“E kam pritur humbjen, megjithatë kam pritur gjithashtu që numri i emigrantëve që kishin të drejtë për të votuar të ishte më i lartë. Kjo do të thotë se emigrantët ende nuk kanë ndërgjegjësimin e duhur për mundësinë e votës së tyre”, është shprehur Alimadhi

Kishte kandiduar për Bashkinë e Parmës, megjithatë nuk ka fituar votat e nevojshme. Shqiptari Gentian Alimadhi nuk është ndihet shumë i zhgënjyer me rezultatin, sa ka qenë i zhgënjyer me emigrantët shqiptarë, raporton albinfo.ch.

Kjo ishte hera e parë që një emigrant shqiptar garoi si kandidat për kryetar Bashkie i qytetit të Parmës, kundrejt dy kandidatëve italianë të Partisë Demokratike. Ai doli i treti, duke marrë rreth 12 % të votave.

“E kam pritur humbje, megjithatë kam pritur gjithashtu që numri i emigrantëve që kishin të drejtë për të votuar të ishte më i lartë. Kjo do të thotë se emigrantët ende nuk kanë ndërgjegjësimin e duhur për mundësinë e votës së tyre”, është shprehur Alimadhi për mediat shqiptare.

Ai ka thënë se nuk ka dalë i humbur nga këto zgjedhje. “12% e votave nuk janë pak. Janë rreth 748 vota kundrejt 6300 votave të përgjithshme. Por realisht prisja të kapërceja 1000 vota. 40 % e emigrantëve të regjistruar për të votuar nuk u paraqitën e kjo do të thotë se ende nuk janë gati për një hap të tillë”, ka shtuar tutje ai.

Gentian Alimadhi ka lindur në Fier derisa në vitin 1993 emigroi në Itali.